Edumall Preloader

مقرر الرياضيات MATH 111 | لطالبات السنة التحضيرية بجامعة الملك عبدالعزيز

رهف الحطامي
اخر تحديث 21/11/2022
0 طالب التحق بهذه المادة

مدة الإشتراك: 110 الأيام

النظرة العامة

نبذة عن المقرر:

مقرر الرياضيات 111 MATH يختصر رياضيات المرحلة الثانوية كلها في منهج واحد مفصل، يتكون من 7 فصول تتكلم عن أساسيات الرياضيات وبعدها تتعمق فالمعادلات والدوال والمصفوفات وغيرها من الدروس، تجربتي لهذه المادة كانت جدًا جميلة وممتعة وجبت فيها A+ وقررت أشرحها لأني أشوف كثير يعانو منها عشان كذا حبسطها لكم بس تحتاج منكم شوية تركيز ومجهود وتوجيه من الشخص المناسب عشان تقدري تجيبي درجة كويسة فالمادة وانتو قدها حتجيبو A+ وذا هوا احد أهم اهدافي في هذا المقرر.

مميزات الاشتراك بمادتي:

  1. أول فصل: مفاهيم الجبر هو فصل مجاني حتى تقدري تقيمي شرحي وتشوفيه.
  2. أشرح المادة بطريقة مسلية وممتعة عن طريق سلايدات مصممة بطريقتي “تفتح نفسك” للمذاكرة.
  3. هدفي في شرح هذي المادة الي الكل يقول عنها مكروهة إنك تحبيها وكمان تجيبي A+ فيها.
  4. مساعدتي لك في حل الواجبات وأي سؤال تحسي فيه بأي صعوبة، وحكون متواجدة معاكي دائما في قروب التليجرام.
  5. لا تنسي أن الاشتراك معايا يعني توفير فلوسك الي تحتاجيها لأشياء ثانية حتى من المميزات تقدري تدفعي المبلغ كامل أو تقسيط وسعر الاشتراك عندي حيكون سعر في متناول اليد.
  6. حراجع معاكي قبل وبعد الاختبار في حال كان في سؤال أو في شي مو فاهمته حنراجعه قبل الاختبار وحنحل تست بانك وبعد الاختبار برضو حنراجع سوا الأشياء الي خبصتو فيها عشان مانغلط بالنهائي.

منهجية الشرح وطريقة الدراسة:

طريقتي بالشرح حتكون عن طريق الاب توب وسلايدات حنزلها فالموقع يعني كل الي تحتاجيه دفترك وآلتك وذهن صافي وتركيز.

  1. حيكون الشرح عبر الفيديوهات المسجلة لكل درس فيديوهات معينة وحتكون طريقة الشرح أبدا مو مملة وبعد الدرس حيكون في اختبار لنفسك مكون من سؤالين تختبري نفسك فيها.
  2. بعد كل قسم حنسوي واجب واختبار ما عليها درجات ترى مجرد تختبري نفسك يعني عادي جدا يكون في أغلاط بالعكس عشان نصححها.
  3. أي استفسار حيكون عندنا قروب تليجرام عشان ننقاش الأسئلة الي تواجهكم وتلاقهوها صعبة مو مفهومة في الفيديوهات.
  4. في حال تمت إضافة أو حذف أي درس حيتم شرحه بفيديو مسجل وتحديثه فالموقع.
  5. حيكون عندنا ملف مخصص بالسلايدات فيه الشرح ومعاه أسئلة Test Bank عشان تختبرو نفسكم فيها مع الحلول بإذن الله.
  6. حنفتح جلسة زوم قبل كل اختبار وبعده ونناقش فيها كل الأسئلة الي فبالكم وبعد الاختبار عشان نناقش الأخطاء الشائعة والي غلط فيها الأغلب عشان ما نغلط نفس الغلط فالنهائي.

كيف تتأكدي من شرحي؟

  • حيكون شرحي عن طريق السلايدات الي حصممها بطريقة تفتح النفس عشان تقدري تشوفي الفيديوهات وتنفتح نفسك للمذاكرة، وهدفي من خلال شرحي مو عشان تجيبي A+ وبس بالعكس أبغاكي تحبي المادة وتستمتعي فيها كمان وتصير بدال الرياضيات المكروهة الرياضيات المحبوبة.
  • بين كل قسم والتاني حيكون عندنا فاصل جميل نضحك ونغير جو وننبسط.
  • وعشان خاطرك وعشان تجربي شرحي وتحبيه أول قسم حيكون مجاني مني لك.

الفئة المستهدفة

  • طالبات جامعة الملك عبدالعزيز المسار الأدبي.

الدروس والمحتويات

1 درس

إشعار مهم

إشعار مهم

مقدم الكورس

رهف الحطامي

0/5
1 مادة
0 التقييمات
0 طالب
شاهد المزيد

أكتب مراجعة

تحتاج مساعدة؟